Imaynallatan atiyman

Tweet ¿Imaynallatan atiyman

yana chhillu chujchaykita

qori ñajcchawan ñajcchaspa

kunkaykipi pujllachiyta?

¿Imaynallatan atiyman

cchaska qóyllur ñawiykita

ñausa kayniyta kichaspa

sunqollaypi kkanchachiyta?

¿Imaynallatan atiyman

puka mulla simiykita

samayniykita umispa.

Astawánraj phanchachiyta?

¿Imaynallatan atiyman

riti sánsaj makiykita

jamanqayta ppenqachispa

astawánraj sansachiyta?

¿Imaynallatan atiyman

chays súmaj puriyniykita

sapa thaskiypi ttikata

astawánraj muttuchiyta?

Kay tukuyta atispañari

atiymántaj sunqojkita

súnqoy chaupipi mallkispa

wiñáypaj phallallachiyta.